ჟურნალი Step-ი სტატია ჩვენს შესახებ

Posted on 16 July, 2019 by Georgian School

ჟურნალმა Step-მა სტატია ჩვენს სკოლაზე დაწერა.
სტატიაში საუბარია ჩვენი სკოლისა და იაპონიის მრავალწლიანი თანამშრომლობისა და მეგობრობის შესახებ. როგორც ჟურნალში ითქვა, ეს არის ადგილი, სადაც მოსწავლეები იაპონურ ენასა და კულტურას სწავლობენ.

სკოლაში იაპონური ენის შესწავლა 1993 წლიდან დაიწყო. მოსწავლეები ფორმალურ და არაფორმალურ გარემოში ეუფლებიან იაპონურ ენას. სწავლებისთვის მზადება ჯერ კიდევ პირველი კლასიდან იწყება. ბავშვები ეცნობიან იაპონურ ლიტერატურას, მხატვრობას, ეთნოგრაფიასა და მუსიკას, ხოლო უშუალოდ ენის შესწავლა მეექვსე კლასიდან იწყება. გარდა ამისა, არ შეიძლება არ აღვნიშნოთ ისიც, რომ სკოლაში მეორე წელია სწავლობენ იაპონური კულტურის განუყოფელ ნაწილს - მანგას. მეტიც, დიდი პოპულარობით სარგებლობს მანგას კლუბი.